2012:)

沒有誇張，看鍾舒漫過去廿三年的人生經歷，就算不是出身於名門望族，也像來自莎士比亞筆下的大戶之家。是估不到，她住進香港仔華貴已十七年。

　　四歲學琴，小學開始隨母親看畫展、歌劇、芭蕾舞劇，十二歲習畫，十三歲考獲八級鋼琴資格，中學畢業後兩姊妹飛赴外地進修，唸的是聲樂，還有中提琴。「不過，好多人見到我個樣，第一句可能都係話：『喂！食支煙先啦！』」一頭金髮、穿鼻環的當事人，挑挑眉，吐出經常被屈是煙民的經歷，無可無不可。

　　但，說起給傳媒拍到與師兄Steven（張致恒，Sun Boy'z成員之一）同行拍拖，經理人Mani明言會棒打鴛鴦，還是樂壇新人的鍾舒漫，態度明顯有別。「其實，我不嬲都係friend，但遇到，我都會拍拖，Mani都贊成。但公唔公開，就要睇另一半意願。」

　　答案大方得體，還為明日留一線。其實，哪用自殺反發聲明呢？聰明的茱麗葉，自會計算。

　　怕醜

　　這天，忙補上黑眼線的鍾舒漫，先自我介紹，「其實我個人好慢熱，同熟朋友可以傾得好開心，笑到咭咭聲。但入行見到好多人，就變到似一條木頭咁，完全唔知點講。由細到大，我個人係有少少怕醜，唔敢出聲，好多朋友都驚我唔呢行。」你挑眉？你搖頭？相信我雙眼還跳出一堆問號，但當事人倒不以為意。

　　「我知。大家見我穿鼻環，唔笑個樣又好似好寸，就覺得我係wet妹。工作人員都成日同我玩，猛話：『喂！Sherman，整支煙先啦！』我又同佢玩：『好呀！整支煙先囉！』跟住佢會打我個頭，因為大家都知我一向唔掂呢。有時，我都好尷尬，但無理由每見一個人，就同佢講一大輪，『我唔係你諗種人，ＯＫ？』我唔會太介意人點睇自己，如果你識我，知我係咩人，又覺得可以傾到偈做朋友，咪ＯＫ囉！」當事人說話連環炮發，加上其手中不加糖的咖啡，很有點烈女況味。

　　反叛

　　是怎麼樣的家庭，才可養出新潮卻不失自愛，怕醜又帶點倔強，像鍾舒漫般的女兒？看鍾媽媽山長水遠帶女兒去看畫展，自不是尋常師奶，她年輕時是國內歌舞團台柱，擅長獻唱藝術歌曲，捧場者眾。鍾爸爸則是印尼華僑，也是唱得之人，九歲因排華返回祖國，後與鍾媽媽相戀，結伴來港定居。之後，男主外，當裝修判頭；女主內，教人唱歌、彈琴，還在家幫人理髮。鍾舒漫住過木屋區、鴨洲安置區，六歲才「上樓」，搬到香港仔華貴，直至現在。

　「家諗番，淨係記得住木屋區時，姑姐掘個小水池畀我游水，住徙置區時，就最鍾意同班男仔玩，跑步鬥快，踩單車鬥快，我成日贏口架！之後，搬到屋，就同妹妹去社區中心玩，或者去爬繩網，周圍走。」長大後，鍾舒漫自稱最反叛的行為是，鍾媽媽叫她到自修室溫書，她卻跑到街上玩，結果畀警察盤問，後來又東窗事發，被媽媽鬧一餐。

　　不過，當事人中學唸的是嘉諾撒培德書院，校風不錯，她的反叛跟其他童相比，其實只屬小兒科。看她十二歲因愛畫而被鍾媽媽送去學素描，十三歲已考獲八級鋼琴資格，十四、五歲又愛上hip hop，定期到排舞室練舞，應該忙得沒空去學壞。「住屋，一定有人問你有冇跟大佬？但我諗都未諗過！媽媽好錫我，一開始已經話要送我同妹妹過外國讀書，時只想快睇真第二個世界。」

　　整定

　　中五畢業，拿十二分的鍾舒漫本想與妹妹到美國升學，但遇「９１１」，拿簽證困難，最終因喜歡英國球星奧雲夠靚仔，轉到彼邦升學。「哈！睇得出我時都幾幼稚。」不過，當兩姊妹各拿不夠十萬，便到物價高企的英國留學，一切變得不再簡單。



　　「時，媽咪特登安排我同妹妹住唔同寄住家庭，想我學識獨立。初時好唔慣，日日同妹妹煲電話粥，又較定鬧鐘，提自己打電話叫醒佢起身返學。跟住兩個人又趁住放假，去工廠揀爛蘋果，係幾好經驗。好記得，一放飯，個個趕頭趕命衝出去，因為得半個鐘時間。（你呢？）我帶飯。（那時生活環境很艱苦？）唔係窮唔窮問題！屋企唔係無限量供應你，平日出街、食統統都要錢，我都想幫輕屋企。」

　　當事人窮得腳踏實地，理直氣壯，她甚至沒打算這麼早入行，本想在美國修畢音樂學位，才以寄demo形式，靜待有心人發掘。「其實，我自細係鍾意畫畫，三歲就識得將成條魚，由魚眼到魚鱗都畫晒出。反而，無諗過學媽媽去唱歌。因為怕人笑我發明星夢。但可能因為十四、五歲開始，我接觸hip hop舞蹈，聽多唔同類型音樂，愈愈鍾意唱歌，所以後來先會由英國轉去美國讀音樂。不過，參加《英皇新秀歌唱大賽》，就真係為練大膽，點知咁就入行，可能真係整定啦！」

　　世事，很多時真有定數。正如，○五年的鍾舒漫，想不到自己會得到新秀冠軍，也應該想不到同年得亞軍的泳兒，會比她更早出道。「我係基督徒，唔會要求自己一定要去邊個位，因為一切自有安排。但我會畀自己一短期target，為自己人生去努力。所以，無諗過好似泳兒咁，發展得咁快，其實如果開到一個mini concert，已經好開心！」

　　拍拖

　　命運確不可預期，就如誰也想不到看似硬朗的鍾舒漫，會和帶點吊兒郎當的Steven（張致恒）配成一對。「次畀人影（有雜誌拍到Steven出入鍾的香閨），都驚畀公司鬧。但Mani無鬧我，只係教我就算同朋友一齊，言行都要小心，拍拖就要搵個畀到正面影響對象。講真，我開頭入行，真係無諗咁多，就算家出去見到Steven，都照樣傾偈。其實，我性格幾男仔頭，同洪卓立、Steven都friend……」

　　當羅密歐的肩腰尚未夠堅壯，這該是茱麗葉現時所能給的，唯一答案。

　　鍾舒漫四歲學琴，自言小時被媽媽拿籐條迫練琴。「家就好多謝媽咪，令我多一樣才能。」

　　鍾媽除供書教學外，還喜歡縫製衣物給兩姊妹，把她們打扮到有如孖公仔，看得出愛女如命。

　　　05年，鍾舒漫（後排中）得到「英皇新秀歌唱大賽」的「金咪大獎」，被大師姐容祖兒點名力讚，反而比她早出道的泳兒（後排右一），當年只得亞軍。
　　在鍾舒漫口中，同公司的洪卓立（Ken）跟張致恒（Steven）也是她的男性好友。「我同佢一樣咁friend，只係Steven搞鬼，Ken怕醜。」用詞好不謹慎。

　　「當一個人顧慮太多，就會失去做人的樂趣。」——莎士比亞

　　這天，特地到來為新碟《Castle》宣傳的鍾舒漫，讚了份屬競爭對手的江若琳不下五次。「佢係各方面都好靚女仔！」「佢會好真心咁聽我講，幫我分析！」、「佢肥極都等於我最瘦陣！」聽得出是把對方當真心朋友，不為「交戲」。

　　「我成班新人有時會去打邊爐，我同阿Ling（江若琳）好多時一齊坐，通常食食，其他人會開始停手，望周圍。但我同佢仲係一邊食一邊傾偈，阿Ling話：『咦！我同你都keep住密密食喎！』我答佢：『係呀！繼續啦！』好搞笑！」望望鍾江兩人的為食相，再對照前者的自畫像（左圖），驟眼看兩個女孩還真有幾分相像。



　　也對。玉女跟茱麗葉都差不多要棄情絕愛，那不如從牛丸、魚片、象拔蚌中尋回屬於青春的快樂。

　　女孩像我

　　在江若琳的blog上，可找到她跟鍾舒漫的為食合照，力證同行不一定如敵國。

　
資料來源 : 東周刊