鍾舒漫（Sherman）小時候跟父母回鄉探親，但出生於石屎森林，受盡父母愛錫的她卻十分不習慣農村生活，既要睡硬床及忍受蚊子突襲，又要提防「踩地雷」，令她一步一驚心！

Sherman三歲時跟父母及兩歲的妹妹（鍾舒祺）遠赴雲南探訪婆婆及太婆，雖然相隔多年，但Sherman對當年所經歷的依然記憶猶新，她說：「我記得婆婆同太婆住嘅地方係農村，有好多田，啲牛又四圍走嚟走去，同埋有好多牛屎，我哋每次都要好小心咁行，好驚『踩地雷』！」Sherman笑笑口表示：「因為泥地又濕又滑，我當時以為踩咗落去就上唔番嚟，所以成日喊！」

廿四孝媽咪

城市長大的Sherman除了不習慣農村生活外，對於食及住亦十分不慣，她說：「我婆婆屋企好多蚊，我同妹妹成日畀蚊咬，搞到媽咪要幫我哋狂搽蚊怕水，真係畀蚊針到驚！」被寵慣的Sherman小時候最愛喝好立克，鍾媽媽擔心兩姐妹不吃鄉下食物，故帶備兩姐妹的私家杯每天沖好立克給她們喝，果然是一位廿四孝母親。

盼回鄉登台

另外，雖然Sherman的太婆已經不在人世，婆婆亦移居香港長住，所以Sherman已很久沒回鄉，但她仍期望將來有機會到雲南登台兼探親，她說：「媽咪話雲南大理風景好靚，佢嘅心願就係一家人一齊去旅行，希望不久嘅將來可以實現！」

Sherman

Sherman甫聽罷問題即表示：「係咪因為隻蝸牛喺地圖上爬？」記者告知她答中了，Sherman即尖叫說：「真係架？真係答中咗？我好蠢架？我從未答中呢啲IQ題，好嘢！」Sherman臨離開時更不忘向記者道謝：「真係多謝你呀，令我重拾自信！」

鍾舒漫擅長幫人箍煲